مرايتي · للصالونات النسائية · من بأمرك
بعتت الساعة 11 بالليل.
وصار عندها موعد.
مرايتي بيحط موظفة استقبال ذكية على نفس رقم واتساب صالونك. بتحجز بس بالأوقات الفاضية فعلاً، ما بتخترع أسعار، وبترجّع كل زبونة: تذكير قبل الموعد، شكر بعد الزيارة، ورسالة لما يصير وقت الزيارة الجاية.
25 دولار بالشهر لحد 31 كانون الأول 2026. وأول 14 يوم مجاناً.
المساعدة الذكية
استقبال صالونك ما بيسكّر.
بترد على زبوناتك على نفس رقمك، من المعلومات اللي إنت بتكتبها: خدماتك، أسعارك، أوقات دوامك. وإنت بتشوف كل كلمة، وبتتدخّل وقت ما بدك.
بترد ليل نهار
بلغة زبونتك، وما حدا بيضل ناطر لتاني يوم.
بتحجز لحالها
بس بالأوقات الفاضية فعلاً بتقويمك. بتحجز، بتغيّر، وبتلغي.
ما بتخترع أسعار
بتحكي بس من الأسعار اللي إنت كتبتها. وطلبات الخصم بتوصلك إنت.
إذا ما عرفت، بتسألك
وبتوصّل جوابك للزبونة، بدون ما تفتح المحادثة.
الشكاوي إلك
أي زبونة زعلانة بتحوّلها إلك، وبيوصلك تنبيه على الواتساب.
بتفهم الفويسات
الزبونة بتبعت فويس، وهي بتفهمه وبترد عليها.
بتستلم إنت بأي وقت
بتكتب إنت، وهي بتسكت مع هالزبونة.
جرّبها قبل ما تشغّلها
احكي معها كأنك زبونة وشوف كيف بترد. المي بتكذّب الغطّاس.
صصالون ليلكسلمى، المساعدة الذكية، بترد هلّق
مرحبا، بدي موعد سشوار بكرا العصر
أهلين وسهلين. بكرا العصر عنا فاضي 3:00 أو 4:30 مع رنا. شو بيناسبك؟
4:30 تمام
تمام، حجزتلك سشوار بكرا الساعة 4:30 العصر مع رنا. منشوفك.
انحجز الموعد بالتقويم، وبيوصلها تذكير قبله.

طلبت خصم؟ ما بتخترع.
بتحوّل الزبونة إلك، وبتعلّم المحادثة «بدها رد منك».

شكوى؟ بتوصلك إنت.
بتعتذر من الزبونة، بتعلّم المحادثة، وبيجيك تنبيه. وبكبسة «استلم أنا» بتكمّل إنت.
المتابعة
ولا زبونة بتنتسى.
بيقولوا البعيد عن العين بعيد عن القلب. لهيك كل زبونة إلها مرحلة، وكل مرحلة إلها رسالتها. مرايتي بيبعت كل رسالة بوقتها، وبيوقف لحاله أول ما الزبونة تحجز. ومع كل زيارة جديدة، بتبلّش الدورة من أول.
زبونة جديدة01
ترحيب
أهلين ديما، معك صالون ليلك. إذا حابة تحجزي موعد أو عندك أي سؤال، ابعتيلنا هون.
مرة وحدة بس. وفيك تعدّلها.
قبل الموعد02
تذكير
مرحبا ديما، تذكير بموعدك: سشوار بكرا الساعة 4:30 مع رنا. إذا بدك تغيّري أو تلغي، ردّي علينا هون.
بوقت دوامك.
بعد الزيارة03
شكر
نوّرتينا اليوم ديما. شكراً لأنك اخترتي صالون ليلك. إذا عندك أي ملاحظة ابعتيلنا، رأيك بيهمنا.
لما تكبس «إجت» بالتقويم.
بعد 25 يوم04
دعوة ترجع
مرحبا ديما، صار وقت الزيارة الجاية؟ ابعتيلنا اليوم اللي بيناسبك ومنحجزلك.
المساعدة بترد وبتحجز.
رجعت حجزت05
بتوقف
ديما رجعت لمرحلة «حجز موعد»، فالمتابعة وقفت لحالها.
وبيوصلها تذكير قبل موعدها الجاي.
إنت ما بتكتب ولا وحدة منهن. وفيك تغيّر أي كلمة.
النظام
كل شغل الصالون، من شاشة وحدة.
مواعيدك، خدماتك، فريقك، ومحادثات الواتساب كلها، بمكان واحد وعلى تلفونك.
- 01
خدماتك وأسعارك، منك وبس
بتكتب كل خدمة بسعرها وأديش بتاخد وقت، ومين من الفريق بتعملها. منها بيطلعوا الأوقات الفاضية، ومنها بترد المساعدة.
- 02
تقويم لكل موظفة
مع أوقات الدوام والعطل ودوام المواسم. كل شي بوقته حلو، وما في حجزين بنفس الوقت.
- 03
بتعرف مين إجت ومين رجعت
بكبسة «إجت» بتعرف مين زارتك، ومين ما حجزت، ومين صار وقت تبعتلها دعوة ترجع.
- 04
كل المحادثات بمكان واحد
صندوق واحد لكل الواتساب، واللي بدها رد منك بتطلع فوق.
- 05
كله من تلفونك
المواعيد والمحادثات والزبونات، حتى ربط الواتساب بكود ربط من نفس التلفون.
- 06
زبوناتك القدام معك
ارفع ملف Excel، والأرقام بتنفهم بأي شكل انكتبت.
- 07
رسائل جاهزة
قوالب باسم الزبونة واسم صالونك. وفيك تعدّل أي كلمة.
- 08
أكتر من رقم
ضيف رقم واتساب تاني، وإذا وقع رقم، التاني بيكمّل عنه.
الفاتورة
سعر واحد. وكل شي فيه.
صالون صغير أو كبير، نفس السعر، والمساعدة الذكية معه. واللي أوله شرط آخره نور.
- سعر الإطلاق ثابت لحد 31 كانون الأول 2026، وبعدها 50 دولار بالشهر.
- أول 14 يوم مجاناً، على حسابك الحقيقي ومع زبوناتك الحقيقيات.
- كل رقم واتساب إضافي 10 دولار بالشهر، ومنضيفه نحنا.
- الدفع شهري، ومنرتّبه مباشرة مع فريق بأمرك.
مرايتي، للصالونات
نظام الصالون + المساعدة الذكية
- تقويم لكل موظفة، خدمات وأسعار
- مساعدة ذكية، ليل نهار
- تذكير، شكر، ودعوة ترجع
- صندوق واحد، استيراد Excel، فويسات
- يوم مجاناً، على حسابك الحقيقي
- حجزين بنفس الوقت
- بالشهر
- $25
- لحد
- 31/12/2026
- بعدها
- $50 بالشهر
- رقم إضافي
- $10 بالشهر
شكراً. شرّفونا مرة تانية.
أجوبة واضحة
أول شي بيسألوه أصحاب الصالونات.
لازم أفهم بالتكنولوجيا؟
لأ. شام بتبعتلك رابط وإنت بتفتح حسابك بنفسك بشي دقيقتين. بعدها بتربط الواتساب من تلفونك بكود ربط أو QR، وبتكتب خدماتك وأسعارك وأوقات دوامك. وفي جولة بتشرحلك كل صفحة، وإذا علقت بشي، شام أو الفريق بيمشوا معك خطوة بخطوة.
بينفع لصالون صغير؟
إيه. مرايتي معمول للصالونات النسائية، صغيرة أو كبيرة. بتكتب خدماتك وأسعارك، وفريقك ومين بتعمل شو، وأوقات دوامك. والمواعيد بتنحجز مع كل وحدة من الفريق.
رقمي رح ينحظر؟
ما حدا بيقدر يضمن هالشي مع واتساب، واللي بيضمنلك ياه عم يبيعك حكي. بس مرايتي مبني ليحمي رقمك: بيبعت بس بساعات دوامك، بفواصل متل البشر، مع حد يومي، و«عم يكتب...» قبل كل رسالة. وأحسن حماية إنك تراسل زبونات بيعرفوك.
شو إذا المساعدة غلطت أو ما عرفت؟
هي بتحكي بس من المعلومات اللي إنت كتبتها. ما بتخترع سعر ولا خصم، وما بتحجز إلا بوقت فاضي فعلاً. إذا ما عرفت الجواب بتسألك إنت، وبتوصّل جوابك للزبونة. والشكاوي بتحوّلها إلك مع تنبيه. وفيك تجرّبها قبل ما تحكي مع أي حدا.
بقدر رد أنا بأي وقت؟
أكيد. بتستلم أي محادثة من التطبيق أو من تلفونك مباشرة، وهي بتسكت مع هالزبونة. وبترجّعلها المحادثة بكبسة.
كيف ببلّش، وأديش بياخد وقت؟
احكي مع شام. بتبعتلك رابط بتفتح فيه حسابك بشي دقيقتين. بعدها بتربط رقمك، وبتضيف خدماتك وفريقك وأوقاتك. الوقت بيعتمد على أديش عندك خدمات، والفريق بيمشي معك فيها.
كيف بدفع؟
أول 14 يوم مجاناً على حسابك الحقيقي. بعدها 25 دولار بالشهر لحد 31 كانون الأول 2026، وبعدها 50 دولار، والمساعدة الذكية معه، و10 دولار لكل رقم إضافي. الدفع شهري، ومنرتّبه مباشرة مع الفريق.
بيشتغل إذا النت عندي ضعيف؟
إيه. التطبيق معمول خفيف، والرسائل بتطلع من عنا كجهاز مرتبط بواتساب، فبتضل ماشية حتى لو تلفونك مطفي. بس خلّي تلفونك يتصل بالنت مرة كل كم يوم، لأن واتساب بيفصل الأجهزة المرتبطة إذا غاب التلفون فترة طويلة.
اطلب حسابك
احكي مع شام. لسا سهرانة.
شام هي المساعدة الذكية تبع بأمرك، ومثال حي عن المساعدة اللي رح ترد على زبوناتك. اسألها أي شي عن مرايتي، والحكي ما عليه جمرك. وإذا حبيت تبلّش، بتبعتلك رابط بتفتح فيه حسابك بشي دقيقتين. وبأي وقت فيك تطلب تحكي مع حدا من الفريق.
الفريق اللي ورا مرايتي
- ققصيالمؤسس
- للؤيالشريك المؤسس، النمو
- BBlazeمهندس الأنظمة، ذكاء اصطناعي
- ششامالمبيعات والدعم، ذكاء اصطناعي
ششامعلى الواتساب, +971 58 544 1315
مرحبا، عندي صالون، كيف بيفيدني؟
أهلين. مرايتي بيرتّبلك مواعيد كل موظفة، بيبعت تذكير للزبونات قبل الموعد، وبيرجّعهن للزيارة الجاية. وفي مساعدة ذكية بترد وبتحجز عنك حتى بالليل. شو اسمك واسم الصالون؟
بأمرك. واعتبرها صارت.

